Шымкентский городской театр оперы и балета

XVIII ШЫҒАРМАШЫЛЫҚ МАУСЫМЫНЫҢ САЛТАНАТТЫ ЖАБЫЛУЫ ⚜️Өнерсүйер қауым үшін есте қаларлық тағы бір маусым өз мәресіне жетті! ⚜️Шымкент қалалық опера және балет театры XVIII шығармашылық маусымын дәстүрлі GALA-концертпен қорытындылап, көрермендеріне жарқын әсер мен ұмытылмас эмоциялар сыйлады. ⚜️Сахна төрінде театрдың симфониялық оркестрі, хор ұжымы, балет әртістері және талантты солистері бас қосып, әлемдік және ұлттық классиканың жауһар туындыларын орындады. Кеш барысында көрермендер опера мен балет өнерінің ең үздік нөмірлерін тамашалап, театр ұжымының шығармашылық жетістіктеріне куә болды. ⚜️XVIII маусым – жаңа премьералармен, халықаралық жобалармен, шығармашылық ізденістермен және толағай табыстармен есте қалды. Бұл жетістіктердің басты себебі – өнерге деген шынайы сүйіспеншілік пен әр қойылымды асыға күтетін қадірлі көрерменнің қолдауы. ⚜️Бізбен бірге болған барлық көрермендерімізге, әріптестерімізге және өнер жанашырларына шынайы алғысымызды білдіреміз! 🎭Келесі маусымда жаңа кездесулер мен әсерлі премьераларда жүздескенше! Шымкент қалалық опера және балет театры өнермен өрілген әсем әлемге жол аша береді! #шымкентоперажәнебалет #театры @mairaopera @madikhan.d @zhasulanseidazimov

ҚАЛА КҮНІНЕ ОРАЙ ЖАПОН БАҒЫНЫҢ САЛТАНАТТЫ АШЫЛУЫ ⚜️19 маусым – Қала күні мерекесіне орай, Шымкент қаласында жаңа қоғамдық кеңістік – Жапон бағының салтанатты ашылу рәсімі өтті. ⚜️Іс-шараға Қазақстан Республикасы Премьер-Министрінің бірінші орынбасары Нұрлан Мәуленұлы Нәлібаев, Шымкент қаласының әкімі Ғабит Сыздықбеков, ардагерлер, қоғамдық кеңес мүшелері, мәслихат депутаттары, зиялы қауым өкілдері және қала тұрғындары қатысты. ⚜️Мерекелік шараның көркін Шымкент қалалық опера және балет театрының өнерпаздары толықтыра түсті. Театрдың солистері, хор ұжымы және балет труппасы Джакомо Пуччинидің әлемге әйгілі «Мадам Баттерфляй» операсындағы жапондық бейнелермен мәртебелі қонақтар мен қала тұрғындарын қарсы алды. Жапон мәдениетінің нәзік әрі көркем болмысын бейнелеген бұл көрініс Жапон бағының әсемдігімен үйлесім тауып, мерекелік шараның ажарын аша түсті. ⚜️Жаңғыртудан өткен Жапон бағы ерекше сәулеттік шешімдерімен, сакура аллеяларымен, бамбук тоғайларымен, сәндік көлдері мен сарқырамаларымен ерекшеленеді. Табиғат пен эстетиканы үйлестірген бұл кеңістік тұрғындар мен қала қонақтарының жайлы демалысына арналған заманауи мәдени-экологиялық аймаққа айналды. ⚜️Қала күні қарсаңында ашылған Жапон бағы – Шымкенттің көркін арттырып, тұрғындар мен қонақтардың сүйікті демалыс орнына айналатын ерекше нысан. #шымкентоперажәнебалет #театры

19 МАУСЫМ – ШЫМКЕНТ ҚАЛАСЫ КҮНІ ҚҰТТЫ БОЛСЫН! ⚜️Қадірлі шымкенттіктер! Сіздерді 19 маусым – Шымкент қаласы күнімен шын жүректен құттықтаймыз! Шырайлы шаһарымыз – тарихы терең, мәдениеті бай, болашағы жарқын мекен. Күн сайын көркейіп, жаңарып келе жатқан Шымкент қаласы – бірліктің, еңбектің және жасампаздықтың символы. ⚜️Осынау мерейлі мерекеде әр шаңыраққа амандық, бақ-береке, зор денсаулық пен толағай табыс тілейміз. Қаламыздың гүлденуі жолындағы еңбектеріңіз жемісті болып, сүйікті шаһарымыздың абыройы арта берсін! ⚜️Шымкентіміз көркейіп, тұрғындарының қуанышы мен игілігі арта берсін! Ізгі тілекпен, Шымкент қалалық опера және балет #шымкентоперажәнебалет #театры

⚜️13 маусым күні Шымкент қалалық опера және балет театрының сахнасында әлемдік опера өнерінің інжу-маржаны – Гаэтано Доницеттидің «Махаббат сусыны» операсының екінші күнгі қойылымы сәтті өтті. ⚜️Көрермендер сүйікті туындының әсерлі музыкасына, қызықты оқиға желісіне және кейіпкерлердің шынайы сезімдеріне куә болды. Театрдың талантты солистері, хор ұжымы мен симфониялық оркестрі жоғары кәсіби деңгейде өнер көрсетіп, көрермендердің ыстық ықыласына бөленді. ⚜️Опера барысында сахнада махаббат, үміт пен адалдық тақырыптары әсем әуендер арқылы өріліп, әрбір көрерменнің жүрегіне жол тапты. Қойылым соңында өнерпаздар ұзақ қол шапалақтаулармен марапатталып, ерекше қошеметке ие болды. ⚜️Шымкент қалалық опера және балет театры өнерсүйер қауымға көрсеткен қолдауы мен ыстық ықыласы үшін алғыс білдіреді және алдағы қойылымдарда қайта қауышуға шақырады. #шымкентоперажәнебалет #театры @mairaopera @madikhan.d

🎭 Құрметті көрермендер! Шымкент қалалық опера және балет театры сіздерді Гаэтано Доницетти «Махаббат сусыны» операсына шақырады. 🗓️ 13 маусым сағат 17:00 📱 Анықтама телефоны: 8 705 285 46 93 🏛️ Мекенжай: Асқаров көшесі, 43/2 ТЕАТРДА ЖОЛЫҒАЙЫҚ! #шымкентопераибалет #театр #махаббатсусыны @mairaopera @madikhan.d @zhasulanseidazimov

🎭 Құрметті көрермендер! Шымкент қалалық опера және балет театры сіздерді Гаэтано Доницетти «Махаббат сусыны» операсына шақырады. 🗓️ 13 маусым сағат 17:00 📱 Анықтама телефоны: 8 705 285 46 93 🏛️ Мекенжай: Асқаров көшесі, 43/2 ТЕАТРДА ЖОЛЫҒАЙЫҚ! #шымкентопераибалет #театр #махаббатсусыны @mairaopera @madikhan.d @zhasulanseidazimov

⚜️12 маусым күні Шымкент қалалық опера және балет театры сахнасында әлемдік опера өнерінің жауһары — Гаэтано Доницеттидің «Махаббат сусыны» операсы сахналанып, көрерменге ерекше әсер сыйлады. ⚜️ Музыка мен театрдың осы сиқырлы әлемінің бір бөлігі болу мүмкіндігін 13 маусым күні сағат 17:00 де жіберіп алмаңыздар! #шымкентоперажәнебалет #театры @mairaopera @madikhan.d @zhasulanseidazimov

⚜️Құрметті Шымкент қаласының тұрғындары мен қонақтары! Шымкент қалалық опера және балет театры сіздерді XVIII театр маусымының жабылуына арналған Гала-концертке шақырады! ⚜️Бұл кеште театрдың үздік шығармашылық ұжымы – симфониялық оркестр, жетекші солистер және хор әртістері өнер көрсетіп, әлемдік және ұлттық классиканың таңдаулы туындыларын ұсынады. ⚜️Көрермендерді опера өнерінің жауһарлары, әсерлі музыкалық шығармалар мен жарқын сахналық қойылымдар күтеді. Ашық аспан астында өтетін бұл мерекелік кеш театр маусымының жарқын қорытындысы болмақ. 📅 Күні: 20 маусым 2026 жыл 🕗 Уақыты: 20:00 📍 Өтетін орны: Shym City саябағы, Шымкент қаласы 🎟️ Келіңіздер, өнердің сиқырлы әлеміне бірге саяхат жасап, XVIII театр маусымын салтанатты түрде қорытындылайық! Шымкент қалалық опера және балет театры сіздерді асыға күтеді! @mairaopera @madikhan.d @zhasulanseidazimov

АРБАТТАҒЫ ӘСЕРЛІ МУЗЫКАЛЫҚ КЕШ ⚜️Бүгін Арбат алаңында дәстүрлі «Шым қала кештері» концерттік бағдарламасында Шымкент қалалық опера және балет театрының солистері мен хор ұжымы өнер көрсетіп, қала тұрғындары мен қонақтарына ерекше рухани кеш сыйлады. Талантты опера солистері көрермендерге өздерінің әсем дауыстарын тарту етіп, қазақ және әлемдік классикадан танымал шығармаларды орындаса, театрымыздың хор ұжымы ерекше рухани кеш сыйлады. ⚜️2008 жылы іргесі қаланған театрдың хор ұжымы бүгінде кәсіби шеберлігімен және жоғары орындаушылық мәдениетімен танылған шығармашылық ұжымдардың бірі. Ұжым өз тарихында республикалық байқауларда жоғары жетістіктерге жетіп, халықаралық жобаларға қатысып, еліміздің мәдениет саласының дамуына зор үлес қосып келеді. Сонымен қатар, «ЭКСПО-2017» халықаралық көрмесі аясында әлемнің үздік өнер ұжымдарымен бірге өнер көрсетіп, Густав Малердің әйгілі №8 симфониясын орындауға қатысқан. ⚜️Бүгінде Бас хормейстер Әлихан Айдархановтың жетекшілігімен хор ұжымы ұлттық және әлемдік классикалық шығармаларды жоғары деңгейде орындап келеді. Театр сахнасында «Домалақ Ана», «Абай», «Біржан – Сара», «Қыз Жібек», сондай-ақ «Травиата», «Кармен», «Ромео мен Джульетта» секілді әлемдік опералардағы жарқын өнерімен көрермен жүрегінен орын алған ұжым бүгін де өз шеберлігін көрсетті. ⚜️Солистер мен хор ұжымының үйлесімді өнері кештің көркін арттырып, көрермендерге ұмытылмас әсер сыйлады. Арбат алаңын әсем әуенге бөлеген бұл мәдени кеш театр ұжымының кәсіби деңгейін тағы бір мәрте дәлелдеп, қала тұрғындарының зор қошеметіне ие болды. Шымкент қалалық опера және балет театры өнерсүйер қауымға жоғары талғамдағы мәдени кештер сыйлауды жалғастыра береді! Бізбен бірге болғандарыңыз үшін алғысымызды білдіреміз! #шымкентоперажәнебалет #театры @mairaopera @madikhan.d @zhasulanseidazimov