Шымкент қалалық опера және балет театры

✨ Алматы төріндегі ерекше өнер кеші Қала күніне орай ұйымдастырылған бұл тамаша концерт алматылықтардың көптен күткен қуанышты кешіне айналды. Қазақстанның Халық әртісі, Мемлекеттік сыйлықтың лауреаты, Шымкент қалалық опера және балет театрының директоры Майра Мұхамедқызының 30 жылдық шығармашылық кеші Алматы көрерменімен 15 жылдан кейін қайта қауышқан айтулы өнер мерекесіне ұласты. Кеш барысында Алматы қаласының әкімі Сатыбалды Дархан Амангелдіұлының атынан арнайы құттықтау жеткізіліп, Майра Мұхамедқызына ізгі тілектер білдірілді. Сонымен қатар, Алматы қаласы әкімінің атынан арнайы ықылас гүлі табысталды. 🌷 Шымкент қаласының әкімі Ғабит Әбдімәжитұлы Сыздықбековтің атынан да арнайы құттықтау жолданып, Шымкент қаласының мәдениет, тілдерді дамыту және архивтер басқармасының басшылары кешке арнайы қатысып, Майра Мұхамедқызына жүрекжарды ізгі тілектерін жеткізді. Кеште Майра Мұхамедқызының бай шығармашылық жолын айшықтаған әсем әуендер шырқалып, Шымкент қалалық опера және балет театрының солистері, хор әртістері және балет труппасы йда өз өнерлерін ұсынды. Көптен күткен бұл кездесу көрермендерге ерекше көңіл-күй, әсем әуен мен ұмытылмас әсер сыйлады. ❤️ Өнер бар жерде — рух бар. Алматы төрінде әуелеген әннің әсем үні әлі де жүректерде жаңғыра берсін! ✨

🌿 Таза қала – ортақ міндет! Бүгін қаламызда World Cleanup Day (Дүниежүзілік тазалық күні) халықаралық экологиялық акциясы және «Таза Қазақстан» жобасы аясында жалпықалалық сенбілік өтті. Тазалық акциясына МЕКЕМЕ АТАУЫ ‼️белсенді қатысып, бекітілген локациялар бойынша тазалық жұмыстарын жүргізді. Сенбілік барысында мекеме қызметкерлері аумақтарды қоқыстан тазалап, санитарлық тазалық және абаттандыру жұмыстарын атқарды. 🌱 Қоршаған ортаны таза ұстау – әрқайсымыздың ортақ жауапкершілігіміз! #ТазаҚазақстан #WorldCleanupDay #ТазаҚала #Сенбілік #Шымкент

БҮГІН ТАРАЗ ҚАЛАСЫНДА — «КҮЗГІ ӘУЕН»! 🍂 Бүгін Шымкент қалалық опера және балет театры Тараз қаласына «Күзгі әуен» халықаралық фестивалі аясындағы концерттік кешке арнайы гастрольдік сапармен барды. Кеш барысында сахнада еліміздің және шетелдің танымал өнер майталмандары өнер көрсетті. ✨ ҚР Халық әртісі — Майра Мұхамедқызы; ✨ ҚР еңбек сіңірген қайраткері — Игорь Благодарный; ✨ Қырғыз Республикасының еңбек сіңірген қайраткерлері — Айбек Саралиев, Айзирек Момунова; ✨ Өзбекстан Республикасының халықаралық конкурстар лауреаты — Малика Норматова; ✨ Шымкент қалалық опера және балет театрының жетекші солистері, халықаралық конкурстардың лауреаттары — Айгүл Азатова, Айбек Қанатбек, Жұлдызай Мусаева; ✨ Бақытжан Байқадамов атындағы конкурстың Бас жүлде иегері — театрдың хор ұжымы ерекше өнер көрсетті. 🎼 Концерт Шымкент қалалық опера және балет театрының симфониялық оркестрінің сүйемелдеуімен өтті. 🎻 Бас дирижер — Өмірзақов Мади Жұмағалиұлы. Өнер мен әуез тоғысқан ерекше кеш көрерменге көтеріңкі көңіл-күй мен әсем әсер сыйлады. «Күзгі әуендер» — жүректерде тербелген әуен, сахнада тоғысқан өнер! 🍂🎶 #шымкентоперажәнебалет #шымкентопераибалет #тараз #шымкент

🎭 ҚАЗАН АЙЫНЫҢ РЕПЕРТУАРЫ Күзгі кештеріңізді әсем музыкамен, опера өнерімен және әсерлі концерттермен бірге өткізіңіз! ✨ Шымкент қалалық опера және балет театры қазан айында көрермендерін ерекше бағдарламаларға шақырады. 🎼 03 қазан | 18:00 «ЖАҢА ЕСІМДЕР» концерттік кеші 08 қазан | 11:00, 12:00 09 қазан | 11:00, 12:00 С. Прокофьев «Петя и волк» Балаларға арналған музыкалық шығарма ❤️ 16 қазан | 19:00 Ш. Гуно «Ромео мен Джульетта» операсы 🇰🇿 23 қазан | 12:00 Республика күні мерекесіне орай «Жаса, Қазақстан!» концерттік бағдарламасы 23 қазан | 18:00 Уралхан Сейілбекованың «Өнегелі Өнерге – 30 жыл» атты жеке шығармашылық кеші 🎟 Билеттер: Freedom Ticketon және театр кассасында 📍 Мекенжай: А. Асқаров көшесі, 43/2 📞 Касса: +7 705 285 4693 Кездескенше, сүйікті көрермен! 🤍 Қазан айын бірге өткізейік! #ШымкентОпера #ШымкентОпераБалет #Шымкент #Опера #Балет Театр Репертуар Қазан2026 Мәдениет Өнер ShymkentOpera

ШЫМКЕНТТІК ЖАС МОДЕЛЬ — ХАЛЫҚАРАЛЫҚ БАЙҚАУ ЖЕҢІМПАЗЫ! ✨ Пекин қаласында өткен World Professional Model Tour халықаралық байқауында қазақстандық жас модель Аида Ақсанқызы 200 қатысушының арасынан II орынға ие болды. 🇰🇿 14 жастағы Аида — өнер мен сән әлеміне қадам басып, өз таланты мен еңбегін халықаралық деңгейде танытып жүрген жас буын өкілі. Ол Шымкенттегі Ақжамал Әбілдаева сұлулық модель мектебінде тәлім алып, сахналық жүрісін шыңдап, модельдік шеберлігін үздіксіз жетілдіріп келеді. Жас та болса, үлкен сахналарда Қазақстанның көк туын көкке көтеріп жүрген Аиданың бұл жетістігі — табандылық пен еңбектің нәтижесі. Аида, жеңісің құтты болсын! 💐 Алда әлі талай биік белестер мен халықаралық сахналар күтіп тұрсын! 🇰🇿✨ #модельшымкент #шымкентоперажәнебалет #майрамұхамедқызы

✨ 15 жылдан кейін — Алматыда қайта қауышу! Қазақстанның халық әртісі, опера әншісі, Шымкент қалалық опера және балет театрының директоры Майра Мұхамедқызы Алматы төрінде жеке ән кешін ұсынады. 30 жыл — сахнада. 30 жыл бойы өнерге адалдық, музыкаға деген махаббат, әлемдік және ұлттық опера сахналарындағы айтулы белестер… Ал енді — 15 жылдан кейін Алматы көрерменімен қайта қауышу. Бұл кеш — Майра Мұхамедқызының шығармашылық жолындағы ерекше белестерді біріктіретін, жүрекке жақын әндер мен сырлы әуендерге толы музыкалық кездесу. 📅 23 қыркүйек | 19:00 📍 Республика сарайы, Алматы 30 жылдық сахна жолы. 15 жылдық сағыныш. Бір кеш. Бір сахна. Бір қауышу. ❤️✨

«МАХАББАТ СУСЫНЫ» — КӨРЕРМЕН ҚОШЕМЕТІМЕН! ✨ Бүгін Шымкент қалалық опера және балет театрында әлемдік опера өнерінің жауһарларының бірі — Гаэтано Доницеттидің «Махаббат сусыны» операсы сахналанды. Көрермендердің ыстық ықыласы мен зор қошеметіне бөленген қойылым жоғары деңгейде өтіп, театрдың барлық солистері мен әртістеріне ерекше әсер сыйлады. Әрбір партия, әрбір әуен, әрбір сахналық көрініс көрермен жүрегіне жол тауып, залды әсем музыка мен көтеріңкі көңіл күйге бөледі. 🎶 Көпшіліктің ұсынысы мен сұранысына ие болған «Махаббат сусыны» операсының екі күндік көрсетілімі бүгін өз мәресіне жетті. 👏 Көрерменнің ыстық қошеметі — өнер адамы үшін ең үлкен марапат! Қойылым барысында театр әртістері құрметке бөленіп, Шымкент қаласы әкімінің орынбасары және қала әкімдігінің ресми өкілі Сәрсен Абайұлы мен Шымкент қаласының мәдениет, тілдерді дамыту және архивтер басқармасының басшысы Бауржан Орынбасарұлы арнайы келіп, шығармашылық ұжымды қойылымның сәтті өтуімен құттықтады. Құрметті қонақтар спектакльді тамашалап, өнерпаздарға жылы лебіздерін білдіріп, көрермен қатарынан орын алды. Бұл — театр ұжымы үшін үлкен қолдау әрі өнерге көрсетілген ерекше құрмет. 🌷 Сондай-ақ, қойылым соңында театр әртістеріне Шымкент қаласының әкімі атынан «Ықылас гүлі» табысталып, өнерпаздарға деген ыстық ықылас пен алғыс білдірілді. ❤️ Бізбен бірге болған барша көрерменге шын жүректен алғыс айтамыз! Театр сахнасында жаңа кездесулер мен жаңа әсерлер әлі алда… ✨ #операибалет #шымкент